ପୁଣି ଶୁଣିବାକୁ ମିଳିବ ମୋତେ ବାନ୍ଧିନେରେ ପୁଲିସବାବୁ, ଆସୁଛି ନୂଆ ଚଳଚିତ୍ର 'ମନେ ମନେ ମନଖୋଜୁ ଥିଲା'

ମୋତେ ବାନ୍ଧିନେରେ ପୁଲିସବାବୁ ଗୀତଟିକୁ ଆଜିଯାଏ ଓଡିଶା ର ଦର୍ଶକ ବନ୍ଧୁ ଭୁଲିନଥିବେ, ୧୯୮୫ ମସିହାରେ ଉତ୍ତମ ମହାନ୍ତି ଓ ମହାଶ୍ଵେତା ରାୟଙ୍କ ଅଭିନିତ ସିନେମା 'ସମୟ ବଡ଼ ବଳବାନ’ ଚଳଚିତ୍ରର ଗୀତଥିଲା | ଦୀର୍ଘ ବର୍ଷ ପରେ ଲାଗୁଛି ତା'ର ପୁନରାବୃଭି ହେ ବାକୁ ଯାଉଛି | ନିର୍ମାଣ ହେଉଥିବା ନୂଆ ଓଡ଼ିଆ ଚଳଚ୍ଚିତ୍ର 'ମନେ ମନେ ମନଖୋଜୁ ଥିଲା' ରେ ଏହି ଗୀତଟି ପୁଣି ଶୁଣିବେ ଦର୍ଶକ ବନ୍ଧୁ | ସିନେମାର ନାୟକ ତଥା ଏସିପି ଓମ୍‌ ଙ୍କ ପ୍ରେମରେ ପଡ଼ି ନାୟିକା ଗୌରୀ ଏହି ଗୀତଟି ଗାଉଛନ୍ତି |

ଅନନ୍ୟା ଏଣ୍ଟରଟେନ୍‌ମେଣ୍ଟ୍‌ସର ପ୍ରଥମ ଅବଦାନରେ ପ୍ରସ୍ତୁତ ଚଳଚ୍ଚିତ୍ର “ମନେ ମନେ ମନଖୋଜୁ ଥିଲା' ର ମୁଖ୍ୟ ଭୂମିକା ରେ ଓମ୍‌ କାର- ନମ୍ରତା ଅଭିନୟ କରୁଛନ୍ତି | ନବାଗତ ଓମ୍‌ଙ୍କର ଏହା ପ୍ରଥମ ସିନମା ହୋଇଥି ବାବେଳେ ନମ୍ରତାଙ୍କର ଏହା ତୃତୀୟ | ଚଳଚିତ୍ରଟିରେ ପ୍ରଭାତୀ ଆଚାର୍ଯ୍ୟ ପ୍ରଯୋଜନା ଭାର ସମ୍ଭାଳୁ ଥିବା ବେଳେ ନିର୍ଦେଶନା ଦେଉଛନ୍ତି ଏନ. ପାଢ଼ୀ | କ୍ୟାମେରା ପରିଚାଳନାରେ ଜିତୁ ମିଶ୍ର ଥିବାବେଳେ ଦୁର୍ଗା ଆଚାର୍ଯ୍ୟ କାହାଣୀକୁ ନେଇ ଦୀପକ ଜେନା ଚିତ୍ର ନାଟ୍ୟ ଓ ସଂଳାପ ପ୍ରସ୍ତୁତ କରିଛନ୍ତି। ଗୀତଗୁଡ଼ିକୁ ସଙ୍ଗୀତରେ ସଜାଇଛନ୍ତି ଜି. ଅଶୋକ କୁମାର । ବିଭିନ୍ନ ଚରିତ୍ରରେ ମିହିର ଦାସ, ଅଶୁମୋଚନ, ପ୍ରତିଭା ପଣ୍ଡା, ଅଞ୍ଜନ ଦାସ, ବିଜୟ ବଳ, ରାଜ ସୁରଜ ପୁରୋହିତ, ଆଲୋକ ସମର୍ଥା ପ୍ରମୁଖ ଅଭିନୟ କରିଛନ୍ତି।